Ko Boeije

Kent 0 personen

NA
Woont in -

    Bekijk het volledige profiel van Ko Boeije en al je andere schoolgenoten!

    In SchoolBANK kun je GRATIS je scholen terugvinden en weer in contact komen met je docenten en schoolgenoten. Registreer je en begin meteen!

    Registreer gratis
    • Mijn klassenfoto's 2

    Ko Boeije heeft 2 klassenfoto's en kent 0 schoolgenoten. Benieuwd of jij iemand herkend?

    Meld je snel aan en vind jouw oud-schoolgenoten en klassenfoto's terug!

    • Mijn herinneringen 2

    Ik zat in klas 1Ba, 2Ba en AK (Automonteurs Kopklas).

    Ik zat in klas 1Ba, 2Ba en AK (Automonteurs Kopklas)

    2009, Ko Boeije

    Die loahere schole; uh, dà waas vo mien ù slechtn tied.

    Die loahere schole; uh, dà waas vo mien ù slechtn tied. Wad un ekel ènk doa àhad. Elkn dag te voete vanuut Smidschorre. Doa adn mun ouwers un kleij boeren bedriefje. ‘tWaas zôôn alf ure lôôpn deu weer ih wind mee mun eetn bieme vo tusn de middag. Int behih hiengt hliek à mis. Kmost 1 april 1948 noa schole, toew waas ik bienoa zevene en toew wierud veraanderd noa 1 september. Loater bleef ik nog zitn in de vuufde klaase. Doa most je mee breukn lêêrn reekn. Doa wier ik êmoa ziek vâh. Dâh keek ik noa buutn in doa zag ik de veuhels vliehh, zoas musn, die zoatn dur bie oows tuus oek vee in de kopboomm, inoek zwoaluuws, die oadn udder nistn ih de koeistal. Moa iere, die rotbreukn……..De sierene klonk vals à de schole ihing, moa as muziek à tie uut hing. Uuteindelik kwam ik in de zesde klaase, bie meester De Ridder. Die kô hoed vertèèll over vanaales, in die stieng te wachtn am mun têêjkening bienoa kloa waas ommum hliek aant bord tang. Voo de rest, vee vant zelfde. Tog woarn droek wè leutige dieng. ‘sMiddags noa teten waas dur vee tied om te speell. Dâh deej mu b v bokje sprieg, in vangertje. In woarank oek groag àh mee dee waas stroontpoale. Dà waas uh wild spektoakel jong. Kenoek nog is uh stienkbom hehoojd in uh lokoal woaràh mu deu mostn om in oows lokoal te komm. Dà waas wà jong. Doa mostn de roamm oopn in ze mostn amoa udder jaas àh trekn. Moa bie oows stonk ut oek vee, om dahn dur achter me mee udder voetn in die troep hetrapt oadn De breukn woarn in de zesdn wè uh bîje over moa die rekenboekjes mee die stomme vroahh, dà waas oek niks. Doa wier ik zowà zot vàh. Bv: Een groenteboer koopt 125 kg aardappelen. Daar gaat 15% tarra af. Hoeveel kg aardappelen kan hij door verkopen? Wa`most ik doamee? Dàh moe die vent tog zelf uut kunn reekn? Innik èh doa hêêhn èèrpels vàh nôwdig, wàh die emme zelf tuus. Kwaas blieje dank doa weg kô Oe ist noe aafhelowpn zà je dienkn. Tgieng amoa hoed loater. Kbè noa dambachtschole in Tereusn hehoa. Doanoa nog wà deu helêêjrd, uh poar heroazjebedrievn, militairediejst in uuteindelik terecht hekomm bie de Wehewacht vaan de ANWB woarank mêêr as 38 joar hewèèkt èh. Inoe mee de vut. Ik kiek nog wellis noa die schoolfoto’s in dâh dienk ik: Woa zouww zamoa gebleefn ziene. Mee mu wèèrk kwam ik dur ôverwachts wellis tegen. Dat is dâ leutig natuurlik. Kweun allang nie mêêj in Axel moak kom der hereheld terug kiekn. Dà hieng over Belhuh of mee dun bôôt, en noe mee dun tunnel. Êêj kêêr benk deu de lucht hekomm, soam mee Joap Simons. In mu zieh mee oowze parachutes helaand op ut motecrostereij. Dà waas mooi jong Dà waas vroeher Smidschorre. Doa benk hebôôrn in ophehroeid. (21 augustus 2004)

    2004, Ko Boeije
    ?